 |
| افكار مشاريع صغيرة مربحة جدا وغير مكلفة "محل بيع الخضار والفواكه" |
افكار مشاريع صغيرة مربحة جدا وغير مكلفة "محل بيع الخضار والفواكه"
عندو مدة و المشروع هدا في بالي (خاصة انو لقيت المحل تاع الوالد في حي سكني كبير بلبزاف و فيه خضار واحد في حانوت صغير تشوفو يهرب خاطرك)
خممت في حانوت هكدا يكون عصري و الحاجة لي تميزو النظافة و طريقة عرض السلع.
الديكور كيما هادا راه يستقام حوالي 5 إلى 7 ملاين على حساب مساحة المحل...... رح تخدم تقريبا غير بالحطب تسما تشوف نجار يخدملك خدمة نقية و بحطب يكون صحيح.
- - الجودة المليحة على 3 تاع صباح
- - السعر المليح على 9 تاع صباح
مايساعدكش كون تكري camionnette كل يوم تستقاملك حوالي 1000/1500دج تنقصها من لاروسات. و عندك كمية محددة تشريها مثلا البطاطا كي تجي تشوف تلقى بلي بزاف ناس يشروها - - مالا جيب حوالي 70/80 كغ منها يوميا
- - الطماطم حوالي 40 كغ
- - البصل حوالي 30 كغ
- - الكورجات و الكاروت حوالي 25 كغ
- - و الباقي 10/15 كغ
السعر و هامش الربح يكون دوما مختلف معندكش نسبة معينة تاع ربح قادر بطاطا تشريها بـ30دج تبيعها 60دج .. البصل تشريه 80دج تبيعو 110دج تسما مكاش سعر محدد ولا نسبة معينة لهامش الربح تاعك
Small business ideas
كيما قلنا تكون عندك camionnette هكدا تروح بيها لسوق الجملة تشري واش تحتاج سلعة و تشري الكاليتي المليحة مام تكون غالية.
تديها للمحل تاعك تغسلها مليح و تمسحها ترجعها نقية و جاهزة للعرض كاين وين خطرات تلقى الحبات مخلطين مثلا بطاطا كيما قلنا تشريها بـ30دج تغسلها و تمسحها تقسمها على زوج جيهة تبيعها 60دج للكيلو و جيهة 50دج للكيلو
كي تكمل تنظمها في الصناديق تاعها و تكتب الأسعار في كل صندوق. دير قدام الصنادق ساشي transparente هكا ناس يرفدو فيها و يجو ليك توزنلهم و تقولهم شحال جاتهم..... نتا تحكم لاكاس برك و توزن هدا مكان الناس يخدمو رواحهم